20-05-14

GEDICHT IN DIALECT JOW

 Geschreven door Patrick Brutsaert.

JOW   (Dialect)

’t Is moandagavond bolling

’t Seizoen goa were begunn’n

Curieus wieë dat’r goa zyn

En wieë dat’r nog goa kunn’n

 

’t Is niet te geloov’n

Dat groate menschen dat spelletje nog speel’n

Achter oal die joarn en generoasjes

Ê toen nog mi zoveel’n

 

’t Is wel ê spel voa mann’n

En gin geweun soesissekandieël

’t Is oek van immens groët belang

Want ’t is vor en ofstee of  kastieël

 

Dus lat myn ooft gerust

‘‘k Zyn ant mikk’n na de stake

‘k Moet’n ‘t ier ol alliëne doën

Want van zeur’n is er gin sprake

 

De boate links of beter reks                                 

Ê vergit vorral niet te blokk’n

Olles om de party te winn     

Of d’ander doen ’t op nulder zokk’n

 

Bolt ê ki zuiver

Met de boate nâ de stroate

Olliëne en zonder hout

Of is’t were te loate

 

Te kort of ’t is ê schote

En m’en d’er ol vele loatn legg’n

Zyn wekelijsche spreuk’n

Mô toch bluv’n we ze zegg’n

 

Als er moate op is

En je wil niet miss’n

Dan moei je meet’n

En de koarde goa besliss’n

 

Hiël de prochie is wel ê komm’n

Zelfs de vrouwen meugn kyk’n

Mo toen liefst op terasse

Ofwel moet’n ze vors gan stryk’n

 

At donker begunt komm’n

Makt er niemand  ruze

Olleman betaalt zyn party’n

Ên drinkt nog ê pinte ut de buze

 

Nu en toen is er ê moat tekort

Want zyn kalender was ‘t ende

Ê speel nu in ê veel beter’n tra

Woarsjinlijk met ê veel beter ende

 

’t Is ê diël van ’t leev’n

En ê sjoëne tradisje

Vor joeng en oet

En goët vor nuze condisje

 

Dus lat myn moa loop’n langs de stroate

Tope met deze bonte boldersbende

Dit is kunst met ê groëte “K”

Want ier vergit je oal joen ellende

 

spabrut


 


 


Commentaren

stif sjoane e schreven.

Gepost door: Vanacker | 20-05-14

Reageren op dit commentaar

De commentaren zijn gesloten.